ap government Reforms in 10th Class Exams Importent changes

ఏపీ ప్రభుత్వం పాఠశాల విద్యలో భారీ సంస్కరణలు తీసుకొచ్చింది. టెన్త్ పరీక్షలకు సంబంధించి కీలక నిర్ణయాలు తీసుకుంది. విద్యార్థి సామర్థ్యంతోనే పూర్తి మార్కులు తెచ్చుకునేలా కొత్త విధానాన్ని అమల్లోకి తెచ్చింది.
విద్యావ్యవస్థలో విప్లవాత్మక మార్పులు తెస్తామని చెప్పిన జగన్ సర్కార్ ఆ దిశగా తొలి అడుగు వేసింది. టెన్త్ పరీక్షల్లో సంస్కరణలకు శ్రీకారం చుట్టింది. పదో తరగతి పరీక్షల విధానంలో కీలక సంస్కరణలు చేపట్టింది. ప్రభుత్వ నిర్ణయాలను ఏపీ విద్యాశాఖ మంత్రి ఆదిమూలపు సురేష్ మీడియాకు వెల్లడించారు. టెన్త్‌లో ఇంటర్నట్ అసెస్‌మెంట్ మార్కులను రద్దు చేసినట్లు చెప్పారు. ప్రైవేట్ పాఠశాలలపై ఆరోపణలు రావడంతో ఇంటర్నల్ మార్కుల విధానాన్ని ఎత్తివేస్తున్నట్లు మంత్రి ప్రకటించారు. 

ఇంటర్నల్ మార్కులను కూడా ప్రధాన ప్రశ్నాపత్రంలోనే పొందుపరుస్తారని, విద్యార్థి తన సామర్థ్యంతోనే పూర్తి మార్కులు పొందవచ్చని మంత్రి తెలిపారు. అలాగే ఎప్పటి నుంచో ఉన్న బిట్ పేపర్ విధానాన్ని రద్దు చేస్తున్నట్లు చెప్పారు. మాల్ ప్రాక్టీసెస్, ఇతర సమస్యల కారణంగా బిట్ పేపర్‌ని కూడా ప్రశ్నాపత్రంలోనే కలిపి ఇవ్వనున్నట్లు చెప్పారు. ఇందులో ఆబ్జెక్టివ్‌ టైప్‌, వెరీ షార్ట్ ఆన్సర్స్, షార్ట్ ఆన్సర్స్, ఎస్సే టైప్‌ ప్రశ్నలు ఉంటాయని వెల్లడించారు. పేపర్‌ వన్‌ లో యాభై మార్కులు, పేపర్‌ టూ లో యాబై మార్కులు ఉంటాయన్నారు. 

ఎస్సే టైప్‌లో ఐదు ప్రశ్నలు ఉంటాయని, ఒక్కో ప్రశ్నకు నాలుగు మార్కుల చొప్పున ఇరవై మార్కులకు ప్రశ్నలు ఉంటాయన్నారు. ఎనిమిది షార్ట్ ప్రశ్నలు.. ఒక్కో ప్రశ్నకు రెండు మార్కుల చొప్పున పదహారు మార్కులు, 
సింపుల్‌ ఆన్సర్‌ ప్రశ్నలు ఎనిమిది.. ఒక్కో మార్కు ఎనిమిది మార్కులు, వెరీ సింపుల్ ప్రశ్నలు పన్నెండు.. ఒక్కో ప్రశ్నకు అరమార్కు చొప్పున ఆరు మార్కులకు ప్రశ్నాపత్రం ఉంటుందని మంత్రి తెలిపారు. సబ్జెక్ట్‌ వారీగా జవాబు పత్రాల మూల్యాంకనం చేస్తామన్నారు. ఒక్కో సబ్జెక్ట్ లో రెండు పేపర్లను కలిపి పాస్‌ మార్కులను పరిగణలోకి తీసుకుంటామని చెప్పారు. 

టెన్త్ పరీక్షల సమయాన్ని కూడా పొడిగిస్తూ ప్రభుత్వం నిర్ణయం తీసుకుంది. బిట్ పేపర్, ప్రశ్నాపత్రం పూర్తిగా చదువుకోవడానికి వీలుగా మరో 15 నిమిషాల సమయం పెంచనున్నట్లు మంత్రి తెలిపారు. సమాధాన పత్రాల కోసం బుక్‌లెట్‌లు తీసుకురానున్నట్లు చెప్పారు. జవాబుల కోసం 18 పేజీల బుక్‌లెట్లు అందుబాటులోకి తీసుకువస్తున్నామన్నారు. సమాధానాల కోసం విడిగా అదనపు పేపర్లు ఇచ్చే విధానం ఇకపై ఉండబోదన్నారు. నాణ్యతా ప్రమాణాలు పెంచేందుకే కీలక నిర్ణయాలు తీసుకున్నట్లు మంత్రి పేర్కొన్నారు. 

Tags: ap, government,  introduces, new reforms, tenth class,  examinations